Секој што се занимава со такви ...

такви

„Бидејќи светот се бори против пандемијата КОВИД-19, малициозни кибернетички напади, кои го нарушуваат капацитетот на болниците и здравствените системи кои обезбедуваат неопходни услуги, веројатно ќе имаат смртоносни ефекти“, рече Помпео. „Секој што се занимава со таква активност мора да очекува последици“, предупреди тој, пренесува Агерпрес.

Неколку чешки болници неодамна објавија дека биле мета на сајбер напади на кои успеале да им одолеат. „Ситуацијата сега е мирна, забележавме еднократни инциденти кои беа спречени“, рече во петокот чешкиот министер за здравство, Адам Војтех.

Чешката агенција за национална безбедност и сајбер безбедност Нукиб предупреди во четвртокот за можни напади „во следните денови“.

Болниците во источните чешки градови Оломоуц и Острава, како и други институции, подоцна објавија дека биле мета на неуспешни напади врз нивните компјутерски системи. Нукиб не соопшти од каде потекнувале нападите.

Во извештајот објавен минатата година, Агенцијата Нукиб ги посочи Русија и Кина како земји кои претставуваат најголема закана за чешката компјутерска безбедност.