Шефот на британската дипломатија Руски групи се обидоа да влијаат на законодавните избори во

Руски групи се обидоа да влијаат на исходот од минатогодишните парламентарни избори во Велика Британија со помош на нелегално прибавени владини документи, објави во четвртокот британскиот министер за надворешни работи Доминик Рааб, јави Би-Би-Си.

„Речиси е сигурно дека руски групи се обиделе да се мешаат во општите избори во 2019 година“ преку незаконски прибавени владини документи, рече министерот Доминик Рааб.

Тој го опиша ваквото мешање како „целосно неприфатливо“ и рече дека нема докази за проширена кампања на Русија против изборите.

Станува збор за документите кои се однесуваат на Договорот за слободна трговија на Обединетото Кралство и САД и се добиени незаконски пред изборите во 2019 година и објавени на Интернет на платформата „Редит“.

Британските власти истражуваат како „протекоа“ предметните документи. Сопствениците на Reddit изјавија дека документите се прикачени на страницата „како дел од кампања со потекло од Русија“ и суспендираа 61 сметка со истата шема.

---