Шефот на Исламската држава Нападите на Русија и САД не ослабнаа
Руските воздушни напади и коалицијата предводена од САД не успеаја да ја ослабнат Исламската држава (ИСИЛ), се вели во аудио пораката која му се припишува на Абу Бакр ал Багдади, водачот на џихадистичката група.
"Бидете убедени дека Алах ќе им даде победа на оние што Му се поклонуваат и ќе ја добиете добрата вест дека нашата држава цвета. Колку е поинтензивна војната против неа, таа станува почиста и посилна", рече снимениот глас што му се припишува. Абу Бакр ал Багдади, информира Ројтерс.
Автентичноста на пораката, објавена во саботата на сметките на Твитер на кои беа објавувани изјави на ИСИЛ во минатото, не може да се провери.
Пораката остро ги критикува напорите на Саудиска Арабија да создаде коалиција од муслимански земји за борба против групата. „Да беше исламска коалиција, ќе се прогласеше ослободено од своите еврејски и крстоносни господари и ќе си поставеше цел да ги убие Евреите и да ја ослободи Палестина“, се вели во записот.
Сунитската исламистичка група, која има контрола над големи делови на Ирак и Сирија, беше погодена од засилен воен притисок во последните неколку недели.
Курдско-арапскиот сојуз поддржан од воени авиони на коалицијата предводена од САД соопшти дека во саботата ја повратил сириската брана од Исламската држава, нарушувајќи една од главните патишта за снабдување на џихадистите преку реката Еуфрат.
Во Ирак, владините трупи напредуваа во саботата кон центарот на последната населба во градот Рамади под контрола на Исламската држава.
Последната јавна порака која му се припишува на ал-Багдади - за кој неколку пати беше речено дека е ранет или убиен во вооружени судири - беше објавена во мај.