Студија ленено влакно помага да се намали телесната тежина
Потрошувачка на семеЛененото семе е корисно за организмот. Неодамнешна студија покажа дека ленените влакна ферментираат во желудникот, а нивниот ефект е од корист за здравјето, вклучително и за намалување на дебелината.
Студиите врз глувци покажаа дека ефектот на ферментирање на лененото семе во желудникот е промена на микробиотата и подобрување на метаболизмот, со што нè штити од дебелина.
Организмите кои живеат во дигестивниот тракт (микробиотата на гастроинтестиналниот тракт) имаат важна улога во регулирањето на тежината и начинот на кој телото го обработува шеќерот. Ферментација на ленено семе може да предизвика позитивни промени во дигестивниот систем. Така, може да доведе до зголемување на корисни масни киселини, а ефектот може да биде намалување на производството на масно ткиво во телото и подобрување на имунитетот.
Студијата е извршена врз глувци, на кои им биле дадени четири вида диети. По 12 недели, истражувачите откриле дека оние што јадат ленено семе се поактивни физички и добиваат помалку маснотии отколку оние кои биле хранети со диета со малку влакна и маснотии.
„Нашите податоци сугерираат дека ленените влакна влијаат на метаболизмот со зголемување на внесот на енергија и намалување на дебелината, како и подобрување на толеранцијата на глукоза“, велат истражувачите. Sciencedaily.com.
Семето од лен е богато со растителни влакна, помага во подобрување на нивото на холестерол и го намалува воспалението на дебелото црево.