СТУДИЈА Диетата со малку сол ги зголемува нивоата на холестерол

Ограничувањето на количината на сол во вашата дневна исхрана може да направи повеќе штета отколку добро. Ова е заклучокот до кој дошле научниците од Универзитетот во Копенхаген, кои тврдат дека намалувањето на количината на овој зачин во дневната исхрана може да доведе до сериозни болести.

Експертите сметаат дека недостаток на сол во организмот може да има негативен ефект од зголемување на нивото на супстанции токсични за срцето, како што е холестеролот, информира Дејли меил.

Евалуација на 67 претходни студии во повеќе од 40 000 луѓе откриле дека нискиот внес на сол во дневната исхрана предизвикал 2,5% зголемување на холестеролот и 7% зголемување на телесни масти кои можат да предизвикаат згрутчување на крвта.

Исто така, беше откриено дека промената на исхраната предизвика црниот дроб да ослободува повеќе ренин и алдостерон, поврзани со висок крвен притисок. „Зголемувањето на холестеролот ќе го зголеми ризикот од смрт од кардиоваскуларни причини“, рече д-р Нилс Граудал, координатор на студијата. Тој ги советува луѓето да се откажат од пушењето, да ја намалат потрошувачката на алкохол и да ослабат, наместо да се откажат од солта.

Од друга страна, нутриционистите велат дека диетата со висока содржина на натриум може да предизвика висок крвен притисок, а британската влада повика на долгорочна кампања за потенцирање на здравствените ризици од консумирање на вишок сол.

---