Уште 89 лица починаа во саботата

Уште 89 лица починаа во саботата поради коронавирусот, пренесува Си-Ен-Ен.

Уште 89 лица починаа во Кина во саботата поради инфекција со коронавирус, со што бројот на жртвите достигна 813.

Бројот на потврдени случаи се искачи на најмалку 27.100 во провинцијата Хубеи, а на глобално ниво бројот е над 37.000.

Бројот на жртви од коронавирус го надмина оној на жртвите на САРС од 2003 година, кога во светот починаа 774 лица.

Светската здравствена организација објави дека ќе испрати тим во Кина да испита епидемија на коронавирусна болест.

Организацијата предупреди и на теориите на заговор што го поткопуваат одговорот на властите, како и на дезинформации што ја отежнуваат работата на инволвираните.

---