Вирусот на грип може да се бори преку диета богата со масти; 24 ЧАСА

Исхраната со многу маснотии и ниско ниво на јаглени хидрати се покажа како вистински противник против вирусот на грип. Барем до тој заклучок донеле американски истражувачи.

Студија спроведена на Универзитетот Јеил покажа дека глувците кои се хранеле со кетогена диета биле во можност да се борат против вирусот на грип отколку глувците кои јаделе храна со висока содржина на јаглени хидрати, пишува Medical Xpress.

Кетогената диета - која вклучува месо, риба, живина и зеленчук без скроб - активира подгрупа на Т-клетки на белите дробови кои претходно не беа поврзани со реакцијата на имунитетот на грипот, зголемувајќи го производството на слуз во респираторните клетки што може да го фати вирусот, објаснуваат истражувачите.

Студискиот тим покажа дека глувците кои се хранеле со кетогена диета и биле заразени со вирусот на грип, имале повисока стапка на преживување отколку глувците кои јаделе нормална исхрана богата со јаглени хидрати. Поточно, научниците откриле дека кетогената диета предизвикува ослободување на гама делта Т-клетки, клетки на имунолошкиот систем кои произведуваат слуз во клеточните облоги на белите дробови - додека диетата со висока содржина на јаглени хидрати не.

Кога глувците биле одгледувани без генот што ги кодира делта гама Т-клетките, кетогената диета не обезбеди никаква заштита од вирусот на грип.

---