Земјата во која кинеските компании инвестираат за да се ослободат од гневот на Трамп

која

Големи кинески компании инвестираат милијарди долари во азиска земја за да ги избегнат ефектите од трговската војна меѓу САД и Кина, започната од американскиот претседател Доналд Трамп.

Гиганти како Tencent, Alibaba и ByteDance - компанијата што е сопственик на TikTok - ги преместуваат своите регионални операции во Сингапур, пренесува BBC News.

Град-државата е неутрална и има добри односи и со САД и со Кина.

Tencent објави дека го проширува своето присуство во Сингапур за да го поддржи растот на бизнисот во Југоисточна Азија и пошироко. Новата регионална канцеларија е стратешка, според компанијата. Најпопуларната апликација на Tencent, WeChat, е пред забраната во САД, заедно со TikTok.

Десетици кинески апликации, вклучително и PUBG и TikTok, се забранети во Индија.

Омилена дестинација и за западните компании

Експертите велат дека поделбата на кинеските и меѓународните операции има смисла за кинеските компании, осомничени од администрацијата на Трамп и пошироко, за блиски врски со комунистичката влада во Пекинг. Покрај тоа, не сите претприемачи во азиската држава гледаат поволно на сè поавторитарниот режим во Пекинг.

„Сингапур е идеална дестинација ако се земат предвид технолошката предност на државата, близината до Кина и позицијата на иновациски јазол во регионот“, рече Томи Ву од „Оксфорд Економикс“.

За западните компании кои прават деловни активности во Југоисточна Азија, државниот град отсекогаш бил омилена дестинација за централата.