Зошто Антички Египет пропадна нова хипотеза издадена од американски истражувачи RFI Mobile
Научниците издадоа нова хипотеза за распадот на антички Египет. Според истражувачите од Јеил, еден од клучните фактори се климатските промени.
Студија на истражувачите од универзитетот Јеил во списанието „Природа комуникации“ покажува колку тесна била врската помеѓу климатските промени и општествената еволуција пред илјадници години.
Преку ова истражување, научниците имаат за цел да алармираат, што на кратко би звучело нешто вакво: еволуцијата на времето на среден и долг рок може да доведе до исчезнување на цели заедници, зависни од временските појави за развој на нивната економија.
За антички Египет се вели дека исчезна, делумно, поради климатските промени и вулканските ерупции, според новата теза издадена од научниците од Јеил, според Индипендент.
Египетското кралство беше обележано со суша и природни катастрофи во последниот дел од своето постоење. Вулканските ерупции биле толку чести и насилни што гасовите испуштени во воздухот останале во атмосферата до две години, што довело до ладење на времето и со тоа до појава на феномени со големо влијание врз економијата. Во земја зависна од поплавување на Нил, сушата значеше вистинска смртна казна.
Студијата на универзитетот Јеил се засновала на разни податоци, вклучително и современи симулации на климата, во комбинација со описи од антички текстови откриени од археолозите. Научниците на тој начин успеаја да направат врска со масивните вулкански ерупции кои го намалија нивото на излевање на Нил во текот на летото, феномен на кој се потпираа египетските земјоделци.
Сушата доведе до глад, социјални немири, а протестите на луѓето предизвикаа политички и економски промени, се вели во студијата. На крајот, климатските промени доведоа до значително слабеење на воената моќ на големото египетско кралство.
Дури и денес, околу 70% од светските општества се во монсунски зависни региони за да имаат корист од дождовите потребни за земјоделските култури, а климатските промени можат да предизвикаат тие заедници да ја имаат точната судбина на антички Египет.