Да не беше дебелината, бројот на карциноми ќе беше многу помал
Кај дебелите луѓе, ризикот од развој на одредени видови на рак е до 60% поголем од нормалните луѓе.
Истражувачите проценуваат дека прекумерната тежина е вклучена во 41% од карциномите на матката и најмалку 10% од карциномите на мочниот меур, бубрезите, црниот дроб и дебелото црево во Велика Британија.
И ако продолжи трендот на индекс на телесна маса (БМИ), ова ќе го зголеми бројот на карциноми за неколку илјади годишно до 2026 година, вели д-р Кришнан Баскаран од Лондонската школа за хигиена и тропски Медицина, водачот на неодамнешното истражување на оваа тема, објавено во „Лансет“.
Студијата ги разгледа медицинските податоци на повеќе од 5 милиони британски пациенти постари од 16 години кои немале рак на почетокот на студијата и кои биле следени во просек од 7 и пол години.
Авторите на студијата, истражувачи на Факултетот за хигиена и тропска медицина и на Институтот за здравствена информатика Фарр, испитале 22 карциноми, заклучувајќи дека зголемениот индекс на телесна маса го зголемува ризикот од развој на 10 од најчестите карциноми., ризикот се зголемува со зголемување на БМИ.