Големо внимание! Хроничниот замор е болест, не само психолошка состојба

Истражувачите од Медицинскиот факултет на Универзитетот Стенфорд ја анализирале крвта на 186 пациенти со МЕ/СФС (мијалгичен енцефаломиелитис) и ја споредиле со примероци од крв од 388 здрави лица, анализирајќи ги нивоата на 51 цитокин, пишува „Сајанс алерт“.

внимание

Тимот откри 17 цитокини во крвта на пациентите кои можат да бидат поврзани со сериозноста на симптомите на хроничен замор.

Цитокините се биомаркери, мали протеини вклучени во преносот на информации помеѓу имунолошкиот систем и леукоцитите, а исто така се поврзани со воспаление.

Само еден од овие цитокини имал значително поголеми нивоа кај пациенти со хроничен замор отколку кај здрави, но кога истражувачите ги анализирале податоците за сериозноста и времетраењето на болеста, откриле дека сите 17 цитокини ја означуваат состојбата. Кај луѓето кои го имале овој синдром подолго време и со потешки симптоми, нивото на сите 17 цитокини било поголемо.

Марк Дејвис, член на истражувачкиот тим, вели дека „нашите откритија јасно покажуваат дека станува збор за воспалително заболување и дава солидна основа за дијагноза заснована на тестови на крвта“.