Коронавирусот ја окупираше Москва
Градоначалникот на Москва најави затворање на сите ресторани, кафулиња, барови, продавници и паркови во руската престолнина за да се ограничат ефектите од епидемијата на коронавирус. Одлуката уследи откако претседателот Владимир Путин донесе одлука за „една недела платен одмор“ за сите вработени, со цел да ги натера Русите да останат дома, информира Си-Ен-Ен.
„Наметнатите ограничувања се без преседан во модерната историја на Москва и ќе биде тешко да ги поднесат граѓаните“, рече градоначалникот на Москва Сергеј Собијанин. „Но, верувајте ми, овие мерки се апсолутно неопходни за да се спречи ширењето на коронавирусот и да се намали бројот на инфекции.
Продавниците за храна, аптеките и рестораните што доставуваат храна не подлежат на овие ограничувања.
На граѓаните на рускиот главен град им се препорачува да се воздржат од присуство на верски служби.
Откако Владимир Путин првично се пофали дека Русија успеала да спречи ширење на епидемијата и дека ситуацијата е „под контрола“, во последните 24 часа се пријавени 182 нови случаи на коронавирус, од кои 136 само во Москва.
Вкупниот број на болести во Русија достигна 840, со три смртни случаи предизвикани од инфекција со новиот коронавирус, според официјалните податоци дадени од здравствените власти на земјата.
Владата на Москва исто така одлучи да ги запре сите меѓународни летови.