Масти што мора да ги јадете мобилни

Прашањето што се поставува е какви масти треба да јадете. Експертите велат дека помеѓу 20 и 30% од дневните калории мора да доаѓаат од маснотии, а од овој процент, 10% мора да бидат заситени масти.

мобилни

Процентите се проценуваат на внес од 1.800 - 2.000 калории на ден, а тоа значи помеѓу 40 и 60 грама чиста маст, пишува Healt Yahoo.

Заситените масти се сметаат за лоши масти. Храната богата со заситени масти е лесна за идентификување, тие остануваат цврсти на собна температура. Се смета дека заситените масти се одговорни за срцевите заболувања и акумулацијата на мастите, но голем број студии покажаа дека одредени видови на заситени масти многу брзо се метаболизираат, што значи дека тие никогаш не се складираат и веднаш се претвораат во енергија.

Лажичка путер има 12 грама маснотии и 100 калории, една лажица кокосово масло има 14 грама маснотии и 117 калории, а 150 милилитри обезмастено млеко има пет грама маснотии и 122 калории). Додека 100 грама варено говедско месо има 13 грама маснотии и 212 калории.

Мононезаситените масти се течни на собна температура. Повеќето се растителни масла. Полинезаситените масни киселини го намалуваат ризикот од дијабетес тип 2 и срцеви заболувања и го зголемуваат нивото на добар холестерол. Најдобар избор се масла од пченка, сончоглед, соја, кикирики, ореви и маслиново масло.

Лажица масло содржи, во просек, 14 грама маснотии и 120 калории. Маслинките се исто така добри извори. Десет зелени маслинки имаат четири грама маснотии и 40 калории, а четвртина од авокадото има седум грама маснотии и 80 калории, додека една лажица путер од кикирики има шест грама маснотии и 94 калории.

Омега 3 и омега 6 се посебна категорија на масти кои се меѓу оние што треба да ги јадете често. Дневната потреба е 500 милиграми на ден омега 3. Една порција лосос има четири грама маснотии и 120 калории, 200 грама сардини имаат 11 грама маснотии и 200 калории.

Идеалот не е само внес на омега 3, туку и одржување на идеален сооднос помеѓу омега 3 и омега 6, сооднос што мора да биде 1 спрема 1. Вишокот омега 6 може да биде штетен. Најчесто, диетата со малку омега 3 масти доведува до сооднос 20 спрема 1 во корист на омега 6, опасен по здравјето. Решенијата се маргарини со додаден омега 3, кои имаат 11 грама маснотии и 100 калории и путер од бадем, кој има девет грама маснотии и 98 калории.