Мерката што ја презеде градоначалникот на Лондон во борбата против детската дебелина
Вашиот прелистувач не поддржува HTML5 видео.
Градоначалникот сака да забрани реклами за нездрава храна во јавниот превоз во Лондон, а мерката има за цел да ја ограничи потрошувачката на брза храна кај најмалите.
Лондон е на прво место во Европа според бројот на дебели деца.
4 од десет лондонски деца на возраст од 10-11 година се дебели или имаат прекумерна тежина. Алармиран од овие податоци, градоначалникот на Лондон има намера драстично да го намали процентот до 2028 година.
Садик Кан, градоначалник на Лондон: „Агенцијата за стандарди за храна создаде дефиниција за нездрава храна. Станува збор за храна која е богата со маснотии, богата со шеќер, многу сол “.
Градоначалникот сака рекламите за храна и пијалоци што се сметаат за нездрави да се отстранат од метрото, познатите црвени автобуси и станици за јавни превози.
Производителите на нездрава храна сепак ќе можат да рекламираат, но наместо хамбургери, ќе мора да промовираат здрава храна.
Градоначалникот на Лондон исто така сака да забрани отворање нови ресторани за брза храна на помалку од 400 метри оддалечени од училиштата.
Там Фрај, Национален форум за дебелина: "Она што го прави градоначалникот сега, требаше да го стори владата пред повеќе од 20 години. Покрај тоа, тој ќе ги инспирира и другите градоначалници во регионот да го следат примерот".
Оние во рекламната индустрија се сомневаат дека мерката ќе успее.
Стив Вудфорд, директор на здружението на рекламни компании: „Единственото нешто што ќе направи разлика е образованието, поттикнување на луѓето да подготвуваат здрава храна, да вежбаат повеќе“.
Откако ќе стапи на сила, одлуката ќе скрати 20 милиони фунти годишно за рекламирање пари од лондонската јавна сообраќајна компанија. Слична мерка е на сила во Амстердам.