ММФ верува дека новиот; мотор; на светската економија може да стане Африка
Автор: КАПИТАЛ/Датум на објавување: 07-05-2013 14:05
Субсахарска Африка може да ја надмине Азија и со тоа да се рангира на првото место меѓу регионите во светот според економскиот раст, се вели во извештајот на Меѓународниот монетарен фонд (ММФ) објавен во Јужна Африка., според економскиот портал Рбц.
Така, Африка би можела да ги заземе местата на Индија и Кина како „мотор“ на глобалниот економски раст, се вели во извештајот за изгледите за економски развој на црниот континент во следните години.
Оваа година, според експертите на ММФ, економијата на африканскиот континент ќе порасне за 5,6%, а следната година - за 6,1%. Доколку овие прогнози бидат спроведени во пракса, субсахарска Африка може да ја престигне Азија и да се рангира на првото место според растот меѓу регионите во светот.
Тековниот позитивен тренд ги опфаќа повеќето земји во регионот, велат експертите од ММФ. Во 19 од 45 земји во субсахарска Африка се очекува зголемување од над 6% оваа година, а следната година од 23 и само во четири ќе биде под 3%.
Важна компонента на овој стабилен развој е рапидниот пораст на светските цени на стоките од 2002 година. Исто така, придонесе и откривањето на нови наоѓалишта на нафта и руда.
Меѓу другите фактори - проширување на демократијата, подобрување на државниот административен систем и значително зголемување на потрошувачката кај младата популација. Во овој поглед, Африка се разликува од своите азиски партнери, каде главниот „мотор“ на економскиот раст беа инвестициите, чие учество во Бруто домашниот производ (БДП) често беше поголемо од 30%, а во Кина - 45%.
Во Африка, процентот на инвестиции беше само 21%, што, според експертите, не е доволно за да се создаде потребната инфраструктура и индустриски капитал за одржлив економски раст.
извор: Агерпрес