Не ги знаеме деталите за оваа ...

„Не ги знаеме деталите за овој предлог, дури и ако станува збор за официјален предлог“, реагираше портпаролот на руското претседателство пред новинарите во понеделникот. „Владимир Путин е отворен за дијалог за сите прашања, но потребни се повеќе информации за да се реагира на ваквата иницијатива и ние ја немаме“, додаде тој. Според него, Русија чека да открие особено „која е агендата и кои ќе бидат учесници“, пренесува Агерпрес.

Доналд Трамп во саботата објави дека ќе го одложи за неодреден датум самитот закажан за јуни во САД и дека ќе ги покани и другите земји да се приклучат на состанокот, вклучително и Русија.

Трамп во саботата рече дека нема „чувство дека Г7 е токму тоа што се случува во светот“, проценувајќи дека форматот Велика Британија - Канада - Франција - Германија - Италија - Јапонија - САД е „застарен“.

Русија беше исклучена од тогаш Г8 во 2014 година, по анексијата на украинскиот полуостров Крим, прогласен за „незаконски“ од западните земји.

Трамп во неколку наврати изјави дека е приврзаник на реинтеграцијата на Русија во овој формат. Од друга страна, Русија во минатото даваше уверувања дека нема намера да се врати во форматот Г8, велејќи дека е задоволна да работи во Г-20.

---