Прва реакција на Украина по падот на авионот во Иран

Украинскиот претседател Володомир Зеленски во средата изјави дека сите патници и членови на екипажот во авионот што се урна во Иран ги загубија животите, повикувајќи се на прелиминарни информации.

реакција

Ажурирај 10:45. Украинскиот претседател Володимир Зеленски ќе ја прекине посетата на Оман за да се врати во Киев во контекст на падот на украинскиот авион Боинг 737 во Иран, пренесува Си-Ен-Ен.

Претходната изјава објавена на неговиот личен профил на Твитер информираше дека украинскиот лидер со своето семејство ја посетува државата Оман.

Во исто време, Министерството за надворешни работи на Украина ги објави земјите од каде потекнуваат 167 патници и 9 членови на екипажот кои биле во авионот што се урна утрото во Техеран. Според прелиминарните информации, меѓу жртвите има државјани на седум земји.

Зеленски во изјавата рече дека Украина се обидува да ги утврди околностите на несреќата и бројот на смртни случаи.

„Искрено сочувство до семејствата и најблиските на сите патници и членови на екипажот“, додаде Зеленски.

Патнички авион на украинска компанија, со 176 лица, се урна во средата наутро, непосредно по полетувањето од аеродромот Имам Хомеини во Техеран

Авионот паднал заради технички проблеми по напуштањето на аеродромот Имам Хомеини во Техеран, за Киев.

Сите 176 патници кои биле во украинскиот авион Боинг 737 починале откако авионот се срушил непосредно по полетувањето од главниот ирански меѓународен аеродром, јави иранската државна телевизија.