Русија, Кина и Јапонија сакаат да изградат хемиски комплекс од една милијарда долари
Русија, Кина и Јапонија ќе потпишат договор вреден една милијарда долари за изградба на хемиски комплекс во руската република Татарстан, во близина на реката Волга, изјави советникот на рускиот претседател Сергеј Приходко.
Договорот треба да биде потпишан на Самитот за азиско-пацифичка економска соработка во Јокохама подоцна оваа недела. На состанокот ќе присуствува и рускиот претседател Дмитриј Медведев.
Хемискиот комплекс ќе произведува амонијак, метанол и гранулирана уреа, а договорот исто така може да има за цел модернизација на капацитетите за производство на амонијак нитрат во регионот. Партнерството би можело да се склучи меѓу руската компанија „Амони“ и меѓународен конзорциум кој може да ги вклучува „Митсубиши Хив Индустри“ и „Соџиц Корпорејшн“ од Јапонија, односно Кинеската национална хемиска корпорација.