Северна Кореја го обвинува Југот за навреда и го откажува заедничкото шоу посветено на Олимписките игри

Северна Кореја нагло го откажа заедничкото уметничко шоу со Јужна Кореја закажано за 4 февруари, обвинувајќи го јужнокорејскиот печат за охрабрување на „навреди“ кон луѓето на северот на полуостровот, пренесува channelnewsasia.com.

откажува

Претставата требаше да се одржи во Северна Кореја на планината Кумганг. Најавата за негово откажување доаѓа откако југот и северот започнаа преговори овој месец за учество на северни спортисти на зимските Олимписки игри на кои југот ќе биде домаќин следниот месец.

Сеул ја нарече одлуката на Пјонгјанг во заедничкото шоу „многу несреќна“ и инсистираше на тоа дека Севернокорејците треба да ги почитуваат сите договори постигнати со Југот.

Јужна Кореја инсистираше Северот да биде вклучен во Олимписките игри, наречени „Мировни олимписки игри“, велејќи дека тоа е можност за подобрување на односите меѓу двете земји.

Северна Кореја учествувала на повеќе изданија на Олимписките игри, но не и во Јужна Кореја. Во 1988 година ги бојкотираше Олимписките игри во Сеул.

Зимските олимписки игри ќе се одржат од 9 до 25 февруари во Пјонгчанг.