CSID Што има доктор Парче од свадбената торта на принцот Чарлс и принцезата Дијана

Парче од тортата подготвена на венчавката на принцот Чарлс со принцезата Дајана, пред 34 години, ќе биде понудено на продажба на аукција што ќе се одржи оваа недела, информира contactmusic.com, забележува Медијафакс.

Аукцијата за тоа парче торта од 1981 година ќе се одржи во седиштето на Нејт Д. Сандерс во Лос Анџелес. Почетната цена беше утврдена на 1100 американски долари.

Таа свадбена торта, со глазура од овошје и крем сирење, ја подготви Дејвид Ејвери, тогаш готвач во Кралската морнарица. Парчето е ставено на продажба во сребрена кутија за изложување и е придружено со едно од оригиналните известувања на кои е отпечатен следниот текст: „Најдобри желби од Кралските височини принцот и принцезата од Велс“.

Според организаторите, парчето торта е „во многу добра состојба“, и покрај фактот дека е „постаро“ од најстариот син на двојката, принцот Вилијам.

Истата аукциска куќа продала уште едно парче од оваа свадбена торта во 2014 година. Тоа парче е купено за 1.375 долари.

---