Компанијата Фејсбук ги претстави новите логоа за платформите WhatsApp, Instagram и Facebook
Фејсбук го претстави новото лого кое ќе биде претставено наскоро и има за цел да ја разликува матичната компанија од апликациите што ги поседува, информира Си-Ен-Ен.
Новото лого, кое го содржи зборот Фејсбук со големи букви и новиот фонт, се менува меѓу зелената, сината и нијансите на црвена, портокалова и виолетова - бои кои ги претставуваат другите брендови на компанијата. Сината е за социјалната платформа Фејсбук, зелената е за WhatsApp и црвената, портокаловата и виолетовата за Инстаграм.
Во следните недели, новите шарени логоа ќе се појават на платформите во сопственост на Фејсбук, а корисниците ќе бидат известени дека ги нуди „од Фејсбук“.
Преку овој потег, Фејсбук се обидува да им разјасни на потрошувачите кои социјални мрежи или апликации им припаѓаат.
Неодамнешната анкета откри дека само 29% од Американците знаат дека Инстаграм и WhatsApp припаѓаат на Фејсбук. „Корисниците треба да знаат кој ги произведува производите што ги користат“, рече ИТ компанијата во објавата во понеделникот.
Во јуни, компанијата започна да ги додава зборовите „понудени од Фејсбук“ на нејзините други апликации, а следниот чекор е да се имплементираат новите графички.
На почетокот на оваа година, Фејсбук соопшти дека има намера да ги интегрира своите платформи за пораки - WhatsApp, Instagram и Messenger и да стави поголем акцент на приватноста. Пораките ќе бидат шифрирани, а корисниците може да испраќаат пораки до кој било контакт со телефонски именик преку кој било од услугите на Фејсбук или СМС.
Во октомври, јавниот обвинител на ујорк објави дека јавните обвинители од други 47 американски држави го испитуваат Фејсбук за анти-конкурентни практики. Сите вклучени држави изразија загриженост дека „Фејсбук ќе ги загрози податоците за потрошувачите со намалување на квалитетот на нивниот избор и зголемување на цената на рекламирањето“.