Кризна диета за Русите
Државните власти им препорачаа на Русите да преминат на диета што ќе им ги обезбеди потребните дневни калории, но да чинат малку, со оглед на тоа што оваа земја е исто така сериозно погодена од светската финансиска криза.
Така, Московската управа за јавно здравје направи список на храна што жителите на Русија треба да ја консумираат во овие тешки услови за живот, информира АФП.
Препораките за диета имаат за цел да го запрат бројот на луѓе кои станале дебели во последниве години, во период на потрошувачки бум. Значи, на Русите им се препорачува да јадат леб, компири и друга ефтина, но хранлива храна.
„Кога станува збор за дебелината, Русинките се на врвот на европските земји“, рече Генадиј Онишченко, шеф на Агенцијата за заштита на потрошувачите.
Другите препораки за исхрана вклучуваат намалување на потрошувачката на кисели пијалоци, и тие треба да се заменат со млеко и пијалоци подготвени дома.
На Русите им се препорачува да се откажат од брзата храна со цел да ослабат и да останат здрави. Лекарите ги советуваат денот да го започнат со овесна каша, на ручек борш од црвена репка, салати, риба и на вечера чаша кефир.