Тајфунот Хагибис во Јапонија двајца мртви, деветмина

Тајфунот Хагибис, еден од најсилните што го погоди Токио, го парализираше главниот град на Јапонија во саботата, принудувајќи милиони да останат во домови и празни улици. Две лица загинаа, реки се поплавија и се пријавени значителни штети, пренесува Ројтерс.

Педесетгодишен маж почина во близина на Токио во саботата, во автомобил превртен од силниот ветер, а друго лице почина откако беше однесено од водите со автомобил. Девет лица се водат за исчезнати по свлечиштата и поплавите.

Властите издадоа препораки и наредби за евакуација за повеќе од шест милиони луѓе низ Јапонија. Досега се пријавени 80 случаи на повреди, а повеќе од 270.000 домаќинства останаа без електрична енергија.

Тајфунот, за кој властите велат дека може да биде најсилниот што ја погоди Јапонија од 1958 година, донесе рекордни врнежи од дожд во многу региони, вклучувајќи го и Хаконе.

Тајфунот Хагибис го погоди главниот јапонски остров Хоншу во саботата вечерта. По кратко време, земјотрес со јачина од 5,7 степени го тресе Токио.

Јапонската агенција за метеорологија издаде највисоко ниво на тревога за 12 префектури, предупредувајќи на обилни врнежи од дожд. Последователно, агенцијата го намали нивото на тревога во неколку префектури, вклучувајќи го и Токио.

---