VitMATINA Недоволниот сон може да доведе до дебелина
од Редаксија, четврток, 19 април 2012 година, 10:15 часот
Помалку од шест часа сон на ноќ влијае на регулирање на апетитот и може да го зголеми индексот на телесна маса. Може ли недостаток на сон да доведе до зголемување на телесната тежина? Една нова студија, објавена во The American Journal of Human Biology, истражува како недостатокот на сон може да влијае на регулирање на апетитот, да влијае на метаболизмот на гликозата и да го зголеми крвниот притисок.
"Дебелината се развива кога внесот на енергија е поголем од потрошувачката. Исхраната и физичката активност играат важна улога во тоа, но дополнителен фактор може да биде недоволното спиење", вели д-р Кристен Кнутсон, од Универзитетот во Чикаго. „Прегледот на доказите покажува дека лошиот квалитет или краткотрајниот сон е поврзан со зголемен ризик од дебелина преку нарушувања на апетитот.
Студиите за набудување покажаа како сигналите во мозокот кои ја контролираат регулацијата на апетитот се погодени од недостаток на сон. Несоодветниот сон влијае на лачењето на грелините хормони, кои го зголемуваат апетитот и лептинот, што покажува кога телото е исполнето. Ова може да доведе до зголемен внес на храна.
Доказите сугерираат дека поврзаноста помеѓу недоволно спиење и повисок индекс на телесна маса е посилна кај децата и адолесцентите.
„Овие резултати покажуваат дека недоволниот сон може да го зголеми ризикот на човекот од развој на дебелина, дијабетес, висок крвен притисок или срцеви заболувања“, заклучи Кнутсон. „Идните истражувања треба да утврдат дали напорите за подобрување на спиењето можат да помогнат да се спречи развојот на овие болести или да се подобри животот на пациентите кои страдаат од овие болести.