НАСКОРО! Молдавските јаболка повеќе нема да можат да се извезуваат во Русија преку Белорусија ПУБЛИКА

Од 14 март годинава, Русија ќе забрани увоз на молдавско овошје преку Белорусија, објави агенцијата за фитосанитарна контрола Роселхознадзор. Одлуката е донесена откако контролите откриле дека некои молдавски компании доставувале „нерегулирани производи“ во Русија.

Роселхознадзор потсети дека по минатогодишната одлука да се дозволи увоз на овошје, испораките се зголемија енормно „преку сложени логистички патишта“ низ Белорусија. Агенцијата се сомнева дека станува збор за шеми за реекспорт од земјите во кои е продолжено руското ембарго за храна.

Сега молдавското овошје и зеленчук може да се увезува само преку премините на градовите Белгород, Курск и Брјанск.

На 21 јули 2014 година, Роселхознадзор забрани увоз на овошје од Молдавија во Русија. Официјално, одлуката беше донесена поради проблеми со квалитетот, но тоа се случи откако Молдавија ги потпиша Договорот за асоцијација и Договорот за слободна трговија со ЕУ.

Седум месеци подоцна, сепак, агенцијата им дозволи на молдавските компании да увезуваат јаболка, пренесува Униан.

---